الحالات التي أباح فيها القانون لرجال الضبط القضائي القبض والتفتيشاولا التلبس:
في حالة وجودك بالشارع وقيامك بشئ يعاقب علية القانون بيعاقب عليه بالحبس لثلاث شهور او اكتر مثل سجاره ريحتها مشبوهه. وشافك ضابط او امين شرطه
في حالة عدم حمل بطاقه تلبس..؟ لا مخالفه عقوبتها غرامه مش حبس ولازم عشان يسألك عليها لازم تكون بتعمل حاجه مريبه(تلتفت يمين ويسار - واقف جنب عربيات بشكل غريب) غير كدا مالوش انه يسألك ودا اسمه استيقاف مالوش انه يفتشك ولو اكتشف عدم حمل بطاقه يعمل محضر وعقوبته غرامه ودا بيكون في الشوارع والاماكن العموميه
2_ امر ضبط واحضار صادر من النيابه.
دي بقي لو انت متهم في جنايه وهربان كدا هما اللي بيدورو عليك. ودا بيبقي ساري لمده 6 شهور وبيتجدد لمدد مماثله وعشان يصدر من النيابه لازم تكون في ادله قويه ضدك ودا يتنفذ في اي مكان سواء اتمسكت في شارع او في بيتك
3_ تنفيذ حكم.
دا بقي لو داخل علي كمين او مسافر او عنوانك معروف عند بتوع تنفيذ الاحكام او مخلي سبيلك او بتخلص ورق صحه افراج وعملولك عرض مباحث يكشف علي اسمك وبعدها لو عليك حاجه هتطلع علي النيابه المختصه تعارض او تستأنف لو جنحه وهتمشي وتسدد الكفاله اذا كان مطلوب كفاله او تعمل اعادة اجراءات لو جنايه وهتفضل محبوس لحد الجلسه . واحيانا يطلع في تشابه اسماء ودي امثله عليه كتيره وبيتنفذ برضو في بيتك او في الشارع او اي مكان تتمسك فيه
4_ ضبط وإحضار لتنفيذ حكم خارج الدائره الصادر منها الحكم والمتهم غير محل سكنه واتعرف عند المجني عليه. وقتها بنجيب ضبط وإحضار من القسم التابع ليه مكان اصدار الحكم صادر لقسم كذا بعنوانه الجديد وبنبلغ بيه القسم المقيم بيه المتهم بالعنوان الجديد.
5_ اذن نيابه
ودا بقي ضابط مباحث عمل تحريات من مصادره السريه (المرشدين) التابعين ليه ف الدايره وبعدها طلب اذن نيابه.
ودا ساري لمده 24 او 48 ساعه علي حسب ما يحدده وكيل النيابة.