📜بوست مخصوص لكل زميل بادئ في المهنة 📜
👇
يا ترى الدفع بجحد الصورة الضوئية سهل و مفيهوش كلام!!
👇
لو أنت دفعت بجحد الصور الضوئية ، و لم تنكر مطابقة الصورة لأصلها، فممكن المحكمة متخدش بدفعك ، و تلتفت عنه، لأنه دفاع غير جدي.
👇
لو خصمك قدم مجموعة مستندات، و انت أكتفيت ""بجحد كل المستندات"" من غير ما تبين للمحكمة بيانات المستندات المجحودة و تحددها.
فمن حق المحكمة إنها تلتفت عن دفاعك، لإنه دفاع "مشوب بالإجمال و الإبهام"
👇
لو انت ناقشت موضوع المستند، سقط حق في جحده
بس خد بالك!!
ممكن تتمسك بجحد المستند في بداية مذكرتك، و بعدها تناقش المستندات (لإن المناقشة اللاحقة للجحد لا تسقط الحق فيه)
عشان كدة، لما تدفع بسقوط حق خصمك في جحد الصورة الضوئية بسبب مناقشة موضوعها، لا تشوف الأول إذا كان جحدها قبل المناقشة و لا بعدها
👇
كمان مينفعش تجحد صورة مستند، و تتمسك بيها في دفاعك في نفس الوقت
👌👌
من قضاء النقض:
👈 الطعن رقم ٦١٦٢ لسنة ٧٨ قضائية
الصادر بجلسة ٢٠١٦/٠٥/٢٤
المقرر في قضاء محكمة النقض أنه إذا لم ينكر من يحاج بصورة الورقة العرفية مطابقتها لأصلها كانت هذه الصورة حجة عليه في الإثبات.
===
👈 الطعن رقم ١٤٢٥٣ لسنة ٧٦ قضائية
الصادر بجلسة ٢٠٠٩/١١/٠٥
إنكار التوقيع على المحرر العرفى . وجوب إبدائه في صيغة صريحة جازمة تدل على إصرار المنكر على إنكاره . مناقشة موضوعه . أثره . عدم قبول الطعن بالإنكار . الدفع بالجهالة صورة من صور الإنكار